पहिली भेट

सांग रे सांग रे मना
फुले का बहरली, चंद्र का हासला
थांब रे थांब रे मना
आसमंत हा मज स्वर्ग का भासला

हे कोकिळे हे कोकिळे
संगीताच्या डहाळीवर एक गा ग गोड गीत
रस वाटू दे ग त्याला माझ्या प्रीत संगतीत
पहिलीच माझी त्याची भेट घडे हि आजला

अग सरिते अग सरिते
खळखळून धावू नको मन माझे हि धावते
गोंधळून गेले कि मी माझी न मी राहते
आधीच माझा  जीव गोड भीतीने ग्रासला

रे राजहंसा रे राजहंसा
प्रेमात त्याच्याशी मी बोलू रे कसे
दृष्टीला लावूनी दृष्टी, का लाजतसे
सांग न लवकरी जवळी तो आला

---प्रसाद शुक्ल